اشعار صفاء احمد

كل عام بيفوت علينا واحنا لابدين ف المطارح كل عام والنخل طارح إلا احنا كل عام بنعيد جروحنا لسة فينا اللون بيبهت احنا ..احنا حتى لو بصيت ف روحنا جوة منا راح تلاقى الخوف معشش ف النفوس كل عام نفسنا نلاقى الفانوس ونلف بيه ونقول كلام طب بس لفه والسلام من غير غنا جوانا رافضين الأنا جوانا لسة الأنتيكات مستعصية ف حضن التراب ورا كل باب بتنام حقيقة مننا جوه القلوب والهوى الطيب يا دوب بيمر بينا كام دقيقة كلنا دمعات بريئة نفسها ف حبة حنان نفسنا ندوق الدفا نفسنا لو رشفة واحدة تسقوهالنا كل عام وإحنا لابدين ف المطارح

» اشعار صفاء احمد